សោភណភាព

សោភ័ណភាពនិងសម្រស់

វិធីការពារកុំអោយកើតនិងកំចាត់រោគមុនលើស្បែកមុខ?

Saturday, 26 November 2011 13:47

តើលោកអ្នកចង់កំចាត់រោគមុនលើស្បែកមុខឲ្យបានឆាប់ដែរឬទេ? តើលោកអ្នកយល់ថាវាគួរឲ្យរំខានដែរឬទេ? តើលោកអ្នកមានជំនឿចិត្តតិចតួចដោយសារតែរោគមុនលើស្បែកមុខ ទាំងអស់នោះមែនទេ ? ប្រសិនបើអ៊ីចឹងមែន សូមកុំអស់សង្ឃឹម ។ អ្នកអាចលុបបំបាត់មុនលើស្បែកទាំងអស់នោះបាន ។ អ្នកគ្រាន់តែធ្វើនូវរឿងមួយចំនួនឲ្យបានត្រឹមត្រូវដែលធ្វើឲ្យមុន លើស្បែកមុខបាត់ស្រមោលពីលើមុខរបស់អ្នក ។ ខាងក្រោមនេះគឺជាដំបូន្មានដ៏ល្អបំផុតមួយចំនួនដើម្បីលុបបំបាត់នូវរោគមុនរបស់អ្នក ៖
១- ត្រូវគ្រប់គ្រងរបបអាហាររបស់អ្នក ។ របបអាហាររបស់អ្នកដើរតួនាទីសំខាន់ណាស់នៅពេលដែលវាបង្កឲ្យមានរោគ មុននៅលើស្បែកមុខ ។ មានមនុស្សជាច្រើនអះអាងថារបបអាហារមិនមានដើរតួនាទីសំខាន់នៅពេលដែល វាបង្កឲ្យមានរោគមុននោះទេ ។ ជាការពិតណាស់ វាពិតជាដើរតួនាទីសំខាន់ក្នុងការធ្វើឲ្យកើតរោគមុន ។ ទទួលទានអាហារមិនត្រឹមត្រូវនឹងបង្កឲ្យមានវិសមាមាត្រគ្រប់ប្រភេទ នៅក្នុងរាងកាយរបស់អ្នកដែលបង្កឲ្យកើតរោគមុន ។ វិធីតែមួយដើម្បីបង្ការវិសមាមាត្រទាំងនោះ និង បង្ការនូវរោគមុនទាំងនោះគឺតាមរយៈការរក្សានូវរបបអាហារដែលមាន តុល្យភាពល្អ ជាពិសេសត្រូវកាត់បន្ថយអាហារដែលប៉ះពាល់ដល់សុខភាព (Junk Foods) មានដូចជានំកញ្ចប់ ស្ករគ្រាប់ ភីស្សា ប៊ឺហ្គ័រ ៘
២- ធ្វើលំហាត់ប្រាណ ។ ការមានជីវិតរស់នៅដ៏គួរឲ្យធុញថប់អាចបង្កឲ្យមានវិសមាមាត្រ ជាច្រើនក្នុងរាងកាយរបស់អ្នក ។ រឿងនេះជាលទ្ធផលនឹងបង្កឲ្យមានរោគមុន។
វិធីល្អបំផុតដើម្បី កែតម្រូវបញ្ហាទាំងនោះគឺលំហាត់ប្រាណដ៏ត្រឹមត្រូវមួយ ។ មនុស្សជាច្រើនបានកើតរោគមុននេះដោយសារតែបំរែបំរួលអ័រម៉ូនជាច្រើន នៅក្នុងរាងកាយ ។ ដូច្នេះត្រូវធ្វើឲ្យប្រាកដថាអ្នកធ្វើលំហាត់ប្រាណឲ្យបានប្រហែល ៣០ ទៅ ៤០ នាទីជារៀងរាល់ថ្ងៃ ។ នៅពេលណាដែលអ្នកហាត់ប្រាណរួច ត្រូវលុបមុខរបស់អ្នក ។ ការរក្សានូវអនាម័យនឹងជួយការពារមិនឲ្យរោគមុនរីករាលដាលនោះទេ ។
៣- ទឹកធម្មតា និង ទឹកផ្លែឈើ អ្វីដែលអ្នកផឹកក៏ដើរតួនាទីសំខាន់ផងដែរនៅពេលដែលក្លាយទៅជារោគមុន ។ ប្រសិនបើរាងកាយរបស់អ្នកខ្សោះជាតិទឹក អ្នកប្រាកដជាអាចនឹងកើតមុនភ្លាមៗ ។ វិធីល្អបំផុតដើម្បីកែតម្រូវបញ្ហាទាំងនេះគឺតាមរយៈការបង្កើន ការបំពេញបន្ថែមនូវជាតិទឹកក្នុងខ្លួនរបស់អ្នក ។ ផឹកទឹកធម្មតា និង ទឹកផ្លែឈើឲ្យបានច្រើន វានឹងរក្សារាងកាយរបស់អ្នកឲ្យមានតុល្យភាព ៕