គ្រឿងញៀន

Tuesday, 18 January 2011 09:59

តាមរបាយការណ៍របស់អ្នកវិទ្យាសាស្ត្រ ៣០ នាក់ពីប្រទេសចំនួន ១០ ដែលរៀបចំឡើងដោយវិទ្យាស្ថានស្រាវជ្រាវជំងឺមហារីកអន្តរជាតិ (IARC) ក្រោមការគាំទ្ររបស់អង្គការសុខភាពពិភពលោក ក្នុងការប្រជុំកាលពីខែតុលា ឆ្នាំមុនទាក់ទងនឹងជំងឺមហារីក និងការជក់បារី លទ្ធផលការស្រាវជ្រាវបានរកឃើញថា ការជក់បារី គឺជាមូលហេតុនៃជំងឹមហារីកប្រភេទថ្មី ៥ ប្រភេទ គឺមហារីកពោះវៀនធំ មហារីកអូវែរ មហារីកសុដន់ មហារីកថ្លើម ចំពោះទារកដែលឪពុកម្តាយជក់បារី និងមហារីកគ្រាប់ឈាមស ចំពោះឪពុកម្តាយដែលជក់បារីមុនការមានគភ៌របស់ម្តាយ ។ ចំពោះការទទួលផ្សែងបារី មហារីកដែលបានប្រកាសជាបន្ថែមទៀត គឺមហារីកបំពង់ក និងប្រអប់សំឡេង ។

ចំពោះមហារីកដែលត្រូវបានប្រកាសថា ជាលទ្ធផលនៃការជក់បារីមុននេះមាន ១០ ប្រភេទ គឺមហារីកសួត មហារីកមាត់ មហារីកបំពង់ក និងប្រអប់សំឡេង មហារីកបំពង់អាហារ មហារីកក្រពះ មហារីកលំពែង មហារីកគ្រាប់ឈាមស ប្រភេទភ្លាមៗ មហារីកតម្រងនោម មហារីកប្លោកនោម និងមហារីកមាត់ស្បូន ខណៈដែលវិទ្យាស្ថានមហារីកជាតិ របស់សហរដ្ឋអាមេរិក បានប្រកាសថា ៣៥% នៃមហារីកទាំងអស់ គឺជាលទ្ធផលនៃការជក់បារី ឬបានទទួលផ្សែងបារី ។

ដោយឡែកតាមការស្រាវជ្រាវផ្សេងទៀតបានឲ្យដឹងថា អ្នកផ្ទុកមេរោគហ៊ីវ ឬអេដស៍ (HIV / AIDS ) ដែលជក់បារី ប្រឈមនឹងការកើតមហារីកសួតខ្ពស់ជាងមនុស្សធម្មតា ។ លទ្ធផលនៃការស្រាវជ្រាវ របស់វិទ្យាសា្ថនវេជ្ជសាស្ត្រជាតិសហរដ្ឋអាមេរិក ក្នងរដ្ឋកាលីហ្វរ័ញ៉ា បានរកឃើញថា ក្រុមស្ត្រីដែលផ្ទុកមេរោគអេដស៍ ប្រសិនបើកាន់តែជក់បារី នោះរីតតែប្រឈមនឹងការកើត ជំងឺមហារីកសួត ខ្លាំងជាងក្រុមដែលមិនផ្ទុកមេរោគអេដស៍ រាប់សិបដងឯណោះ ។ នេះដោយសារប្រពន្ធការពាររាងកាយរបស់អ្នកផ្ទុកមេរោគអេដស៍ ធ្វើការខ្សោយជាងអ្នកដែលមិនផ្ទុកមេរោគអេដស៍ ។

ទោះជាយ៉ាងណាក៏ដោយ លទ្ធផលស្រាវជ្រាវនេះ មិនបានបញ្ជាក់យ៉ាងច្បាស់ថា មេរោគអេដស៍ក្នុងរាងកាយអ្នកជំងឺ មានការពាក់ពន្ធ័ ដល់ការវិវឌ្ឍន៍នៃជំងឺមហារីកសួត ខ្លាំង ឬខ្សោយកម្រិតណាឡើយ ព្រោះគេត្រូវសិក្សាបន្តទៀត ។ ប៉ុន្តែអ្នកស្រាវជ្រាវបានណែនាំថា គួរចៀសវាងឆ្ងាយពីបារី ដើម្បីសុខភាព ៕

Prev Next

បារីបង្កជំងឺមហារីក

បារីបង្កជំងឺគាំងបេះដូង

យ៉ាម៉ា : អ្នកនាំមកនូវមរណភាព (Yama : Bringer of Death)

ស្ត្រីជក់បារី កើតមុនច្រើនជាងអ្នកមិនជក់

ការចាក់បញ្ចូលថ្នាំយ៉ាម៉ាធ្វើឲ្យរាលដាលវីរុសហ៊ីវ Injecting Yama Driving Cambodian Hiv Epidemic

កញ្ឆាបំផ្លាញខួរក្បាលអ្នកយ៉ាងដូចម្តេច ?

បុរសដែលញៀនសុរា-បារីប្រឈមមុខនឹងករណីអសមត្ថភាពផ្លូវភេទ

បារី មូលហេតុបំផ្លាញស្ពែម